«Арбитражды шешімді даулау кезіндегі көкейкесті сұрақтар. Арбитражды шешімді мәжбүрлеп орындау үшін атқару парағын беруден бас тарту негіздері» тақырыбында дөңгелек үстел өткізілді.
Қарағанды қаласы Қазыбек би ауданының №2 аудандық сотында «Арбитражды шешімді даулау кезіндегі көкейкесті сұрақтар. Арбитражды шешімді мәжбүрлеп орындау үшін атқару парағын беруден бас тарту негіздері» тақырыбында дөңгелек үстел өтті.
Іс шараға аудандық соттың төрағасы А.С.Ибраев, Қарағанды облыстық сотының судьясы Ж.М.Егорова, аудандық сот судьялары және «Эверест Кредит» ЖШС, «Ломбард БақытS» ЖШС, «Ломбард Жаңару & S» ЖШС, «Ломбард Инкар-Дала» ЖШС, «Қазақстан Республиукасының Ұлттық банк» ММ өкілдері қатысты.
Судья Ж.С.Галиева өзінің баяндамасында Қазақстан Республикасының «Төрелік туралы» Заңын қолдану кезінде көкейкесті мәселелер орын алатынын, мысалы, тиісті дәрежеде сот отырысы уақытын тараптарға хабарламау кездесетінін атап өтті.
Кездесу барысында қатысушылар пікір алмасып, әрекет етуші заңды талқылап, судьялардың түсіндірмелерін алды. Дөңгелек үстел қорытындысында Қазақстан Республикасы «Төрелік туралы» Заңының қолданылуы бойынша ұсыныстар қабылданды.