Қылмыстық құқық бұзушылық құрамының болмауына байланысты ақталды

Сәтбаев қалалық сотымен ҚР ҚК-тің 130-бабының 3-бөлігі (Жала жабу) бойынша К.-ны жеке айыптау бойынша қылмыстық ісі қаралды.

2016 жылдың қазан айында К. кент тұрғындары көздерінше С.-ты Жезқазған кентінің тұрғындарына берілетін өтемақыны ұрлады, сыбайлас жемқорлық қылмысын жасады деп жала жапты.

Сот отырысында жәбірленуші жеке айыптау бойынша шағымын қолдап, К. оның ар-намысы мен қадір-қасиетіне нұқсан келтіретін немесе оның беделін түсіретін жалған мәлімет таратқанын айтты.

Сот үкімімен К. кінәсіз деп танылып, қылмыстық құқық бұзушылық құрамының болмауына байланысты ақталды.

Сот үкімі заңды күшіне енген жоқ.