Сот еңбек кітапшасының заңдық маңыздылығын анықтап берді

Баспаға арналған нұсқасыБаспаға арналған нұсқасыХатпен жіберуХатпен жіберуPDFPDF

Бұқар Жырау аудандық соты еңбек кітапшасының тиістілігі туралы заңдық маңызы бар фактіні анықтау туралы өтініші бойынша азаматтық істі қарады.

Арызданушы А. өзінің арызында қазіргі кезде зейнет жасына жетуіне байланысты мемлекеттік базалық зейнетақы алу үшін құжаттарын рәсімдеп жүргенін айтқан. Алайда, Бұқар Жырау ауданының ХҚКО-да оның еңбек кітапшасында жазба толтыру кезінде әріптен қате кеткенін көрсеткен.

Мемлекеттік зейнетақы төлеу орталығына жүгіну барысында осы айырмашылыққа байланысты құжаттарын кері қайтарып, сотқа жүгінуге кеңес берген.

АІЖК-нің 305-306 баптарына сәйкес, сот арыз беруші заңды маңызы бар фактілерді куәландыратын тиісті құжаттарды өзге тәртіппен алуы мүмкін болмаған жағдайда, не жоғалған құжаттарды қалпына келтіру мүмкін емес болған кезде ғана осы фактілерді анықтайды.

Сот ҚР АІЖК талаптарын басшылыққа ала отырып арыз берушінің арызын қанағаттандырып, аты қате болып көрсетілген еңбек кітапшасы арызданушыға тиесілі екендігі туралы фактісін анықтады.

Шешім заңды күшіне енді.

Қайнар: 
Бұқар-Жырау аудандық сотының баспасөз-қызметі
Пікірлер мен ұсыныстар