Бс, 10/08/2017 - 09:56
Абай аудандық соты «Медиация күні» республикалық акциясы аясында судья Д. Каримбаевтың төрағалық етуімен «Ашық есік күні» іс-шарасын өткізді.
Іс-шараға кәсіби емес медиатор Л.О. Маканова, Абай ПБ-нің жасөспірімдер ісі бойынша инспектор Калташева О.В., Абай ПБ-нің өкілі, Абай қаласы әкім аппаратының заңгерлері және жергілікті тұрғындар қатысты.
Отырыс барысында қатысушылар аймақта азаматтарға медиация институтын насихаттау, медиация рәсімдерінің әдіс-тәсілдері мен қағидалары туралы маңызды сұрақтарын талқылады. Қазіргі таңда медиация тәртібімен шешілетін дау-жанжалдардың аздығы азаматтардың көпшілігінің бұл рәсім туралы білмейтіндігін көрсетеді.
Дөңгелек үстел соңында қатысушылар маңызды мәселелерді талқылап, өз ойларымен бөлісті.