Сс, 15/08/2017 - 14:38
Осакаров ауданының №2 аудандық соты ҚР ӘҚБтК-нің 200 бабы 3 бөлігі бойынша (мейрамханаларда, барларда және дәмханаларда өткiзудi қоспағанда, алкоголь өнiмiн: сағат 23-тен келесі күнгі сағат 8-ге дейiн; этил спиртінің көлемді үлесі отыз пайыздан асатындарын сағат 21-ден келесі күнгі сағат 12-ге дейін бөлшек сауда арқылы өткiзу) Ақбұлақ ауылының тұрғыны кінәлі деп танылды.
Сот мәжілісі барысында құқықбұзушы Б. өз кінәсін мойындап, істеген әрекетіне өкінетіндігін айтып, хаттамада көрсетілген деректерді растап, күндіз 12-ге дейін бөлшек алкоголь өнімін сатуға болмайтындығын білмегенін көрсетті.
Сот қаулы заңды күшіне енгеннен кейін 1 айға тиісті қызмет түріне лицензияның қолданысын тоқтата тұрып, 15 883 теңге көлемінде айыппұл түріндегі әкімшілік жазасы туралы қаулы шығарды.