Сатпаев қалалық сотында «Ашық есік күні» өтті

Сәтбаев қалалық сотында төраға Е.С.Сексеновпен «Медиация күні» қарсаңында кәсіби медиатор Есмурзина Ж.А., прокурорлар Накишев Ж.О., Абикенов М.Е. қатысуларымен  «Ашық есік күні» өткізілді.

Іс-шара барысында төраға Е.С.Сексенов және кәсіби медиатор Ж.А.Есмурзина: «Медиация- жанжалды шешу кілті, дауларды реттеу баламасы, сотқа дейінгі дауларды шешу, екі жақты да қанағаттандыратын өзара тиімді және бейбіт келісімге қол жеткізу. Медиация дау-жанжалдарды сотқа дейін шешу арқылы даулардың санын азайтады, тараптардың уақыты мен қаражатын үнемдейді, сот жұмысын жеңілдетеді»- деп атап өтті.

Іс-шара соңында төраға мен медиатор қатысушы азаматтардың барлық сұрақтарына жауап беріп, белсенді қатысқандары үшін ризашылықтарын білдірді.