Жанұялық жанжал үшін 10 тәулікке қамаққа алынды

Ұлытау аудандық соты құқық бұзушы А.-ға қатысты Қазақстан Республикасының әкімшілік құқық бұзушылық туралы кодекстің 73 бабының 2 бөлігі бойынша әкімшілік құқық бұзушылық туралы іс қарады.

Азамат А. өзінің қарындасына қатысты жанжал шығарып, балағат сөздер айтып, ар-намысына нұқсан келтірген. Жанұялық жанжалды азамат А. бір жылда екі рет қайталаған.

Сот қаулысымен құқық бұзушы 10 тәулік мерзімге қамақ түріндегі әкімшілік жауаптылыққа тартылды.

Сот қаулысы заңды күшіне енген жоқ.